Receita: Arepas

Pasado do antigo blog vaitraballar.blogspot.es

Isto ten visos de chegar a ser un recetario de alcance internacional. ¿Que non o creedes?, pois aquí tendes, a receita das arepas venezolanas. Toma moreno!

Ei de dicir que é unha cesión que me fai o señor Carlos Dabarca, que ó mesmo tempo recibe da súa moza Cristina, pois él confesoume que na cociña, o único que pon da súa parte, son os dentes e o padal ;-P.

Pois iso, ahí vos vai. Xa veredes que información máis completiña eh.

Receita das arepas

A arepa é o pan por excelencia dos venezolanos. Atopámola nos almorzos, como acompañamento nos xantares ou ceas sempre acabadas de facer, mornas e crocantes. Úntanse con manteiga, queixo ou con calquera recheo formando unha especie de “bocadillo” de irresistible tentación.

O recheo tradicional é o de soro de leite ou caraotas fritas (fabas negras pequenas) ou carne mechada. Esta masa utilízase para cociñar outros pratos, como empanadiñas (nada que ver coa empanada galega, son unha especie de pasteliños feitos coa mesma masa da arepa, con forma de media lúa, de recheos diversos e fritos), boliños fervidos, arepiñas pequenas, etc. Constitúe tamén a masa coloreada de onoto da hallaca (prato tradicional do Nadal en Venezuela).

Ingredientes:

fariña de millo
1 culleriña de sal
auga e aceite

Elaboración:

Paso 1: Colocar nun cazo 1 cunca e media de auga co sal e un chorro de aceite. Agregue pouco a pouco a fariña alternando coa auga para evitar os grumos

Paso 2: Amasar moi ben ata que quede homoxénea, suave, manexable e que non se pegue nas mans. Formar pelotiñas de masa e traballar coas mans ata obter un círculo pouco groso e parello*.

Paso 3: Quentar a prancha, engraxar con aceite (pouco), acomodar as arepas e cocer de ambos os dous lados ata que se despeguen facilmente da prancha, retirar e levar ao forno prequentado a 350º e deixalas ata que ao retirar e golpear levemente soen como ocas

Paso 4: Servir no momento, envolvidas nun pano de tea ou papel dentro dunha paneira para mantelas quentes. Acompañar co recheo que se desexe (manteiga, queixo, xamón, carne mechada…)

Variantes / Segredos:

O segredo das arepas non son os ingredientes, senón o amasado e a cocción. Hoxe en día pode atopar en calquera supermercado (mesmo en moitos de Galicia) o preparado de fariña de millo precocido (marca “Harina Pan”).

Arepa de queixo: Procédese como as arepas tradicionais pero ao amasar agrégaselle o queixo relado.

Arepas fritidas: Procédese como as arepas tradicionais, pero á masa engádeselle medio vasiño de leite morno e unha culleradiña de azucre. Como é obvio, no canto de asalas hai que fritilas en aceite abundante e ben quente ata que queden douradas.

* A masa, diámetro, grosor e modo de preparación das arepas varía considerablemente segundo a rexión. Así, por exemplo, as arepas andinas -dos Estados de Mérida, Trujillo e Táchira, na Cordilleira dos Andes, no extremo noroeste de Venezuela- son doces e extremadamente finas (polo que son chamadas “telitas”), tanto que non se rechean, fáiselles un oco no medio, frítense e despois bótaselles queixo relado por riba. As arepas cumanesas, en cambio -de Cumaná, Estado Sucre, ó norleste do país- chegan a pesar medio quilo, son salgadas e fanse asadas. Canto á materia prima, a masa pode ser de millo, trigo ou unha mestura dos dous.

Gracias Carlos, gracias Cristina.

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s